දැනට ලෝකය පුරාම RAM, SSD සහ GPU මිල ගණන් අදහාගත නොහැකි ලෙස ඉහළ යමින් පවතිනවා. තාක්ෂණික ක්ෂේත්රයේ දැවැන්තයින් මෙය හඳුන්වන්නේ “RAMpocalypse” ලෙසයි. ලෝකයේ ප්රමුඛතම Memory chips නිෂ්පාදකයෙකු වන Silicon Motion හි CEO, Wallace Kou පවසන්නේ 2026 වසරේදී HDD, DRAM, HBM සහ NAND යන සියල්ලම දරුණු හිඟයකට ලක්ව ඇති බවයි.
ඔබ ළඟදීම PC එකක් Build කිරීමට හෝ Laptop එකක් මිලදී ගැනීමට සිතා සිටිනවා නම්, මේ තත්ත්වය ඔබට බලපාන්නේ මෙහෙමයි. TechTips.LK අපි මේ අර්බුදය ගැන ගැබුරැව සොයා බැලුවා.
1. ඇයි මේ මිල ගණන් මෙච්චර ඉහළ යන්නේ?
මේකට ප්රධානම හේතුව තමයි AI (කෘතිම බුද්ධිය) සඳහා ලෝකයේ ඇති වූ Profit Base Companies.
- AI වල “මතක කුසගින්න”: ChatGPT, Gemini වැනි AI මාදිලි ක්රියාත්මක වන සර්වර් (Servers) වලට සාමාන්ය PC දහස් ගණනක ඇති RAM ප්රමාණය අවශ්යයි. NVIDIA, Microsoft සහ Google වැනි සමාගම් මේ චිප්ස් ලබා ගැනීමට සාමාන්ය පාරිභෝගිකයෙකුට වඩා 10 ගුණයක මුදලක් ගෙවීමට සූදානම්.
- කෲර නිෂ්පාදන ආදේශනය (Cannibalization Effect): Samsung සහ SK Hynix වැනි නිෂ්පාදකයින් දැන් සාමාන්ය PC RAM හදන එක නතර කරලා, ඔවුන්ගේ කර්මාන්තශාලා AI වලට අවශ්ය HBM (High Bandwidth Memory) චිප්ස් හැදීමට යොමු කරලා. එක HBM චිප් එකක් හදන ඉඩෙන් සාමාන්ය DDR5 RAM චිප් 3ක් හදන්න පුළුවන්. ඒ නිසා සාමාන්ය PC RAM නිෂ්පාදනය 40% කින් පමණ අඩු වෙලා.
